Կադրային ջարդ ԱՄՆ-ում․ Bloomberg

ԱՄՆ պաշտպանության նախարարությունը պատրաստել է այն աշխատակիցների ցուցակը, որոնց պատրաստ է աշխատանքից հեռացնել՝ դաշնային գերատեսչությունների անձնակազմը կրճատելու ԱՄՆ նախագահ Դոնալդ Թրամփի վարչակազմի քաղաքականության շրջանակներում։ Այս մասին հայտնում է Bloomberg-ը՝ հղում անելով աղբյուրներին։

Նրա խոսքով՝ կազմված և վարչակազմի ներկայացուցիչներին ուղարկված ցուցակում կան գերատեսչության այն աշխատակիցների անունները, ովքեր փորձաշրջան են անցնում և աշխատում են մեկից երկու տարի։

Գործակալության աղբյուրներից մեկը նշել է, որ դեռ պարզ չէ՝ կրճատումները կազդեն ցուցակի բոլոր աշխատակիցների վրա, թե միայն նրանցից մի քանիսի վրա։

Պոտենցիալ կրճատումները կազդեն միայն քաղաքացիական աշխատողների վրա և չեն ազդի զինվորական անձնակազմի վրա, պարզաբանում է Bloomberg-ը։

Գործակալությունը գրում է, որ Պենտագոնի վերանայումը Իլոն Մասկի Կառավարության գերազանցության գրասենյակի (DOGE) կողմից կարող է շահերի բախում առաջացնել, քանի որ Մասկի օդատիեզերական ընկերությունը՝ SpaceX, պայմանագրեր է ստացել ԱՄՆ պաշտպանության նախարարությունից։