Թրամփը Զելենսկուն անվանել է բռնապետ. Reuters
Համաշխարհային Մամուլ
ԱՄՆ նախագահ Դոնալդ Թրամփը մեղադրել է Ուկրաինային հազվագյուտ մետաղների մասին համաձայնագիրը խաթարելու մեջ, որը, ըստ ամերիկյան վարչակազմի, թույլ կտար վերադարձնել Կիևին աջակցելու համար ծախսված միջոցները, փոխանցում է Reuters-ը։
«Մենք գործարք ունեցանք հազվագյուտ հողերի և իրերի վերաբերյալ, և նրանք խախտեցին այդ գործարքը երկու օր առաջ», - ասել է Թրամփը Մայամիում ներդրումային ֆորումի ժամանակ:
Իր ելույթում Թրամփը շարունակել է հարձակվել Ուկրաինայի նախագահ Վլադիմիր Զելենսկու վրա և ասել, որ ԱՄՆ-ը 350 միլիարդ դոլար է ծախսել Կիևին օգնության համար, սակայն, ի տարբերություն եվրոպական երկրների, դրա դիմաց ոչինչ չի ստացել։
«Մինչ ԱՄՆ-ն դրա դիմաց ոչինչ չի ստանում, նրանք իրենց գումարները հետ են ստանում»,- ասել է նա։
Թրամփը Զելենսկին անվանել է «բռնապետ» և պահանջել է արագ խաղաղության համաձայնագիր՝ երկիրը փրկելու համար:
Նրա խոսքով՝ ուկրաինական «տարածքը հսկայական արժեք ունի հազվագյուտ հողային մետաղների առումով»։
«Ես ուզում եմ, որ մեր փողերը ապահով լինեն, քանի որ մենք հարյուր միլիարդավոր դոլարներ ենք ծախսում»,- հավելել է Թրամփը։
ՈՒՂԻՂ ԵԹԵՐ
Ամենադիտված 
Ֆրանսիայում բացահայտել են Մակրոնի անսպասելի կախվածությունը
