ԵՄ-ն սկսել է Ուկրաինայի անվտանգության երաշխիքների ցուցակ կազմել․ Financial Times

Եվրոպական խորհրդի նախագահ Անտոնիո Կոստան հարցում է անցկացնում ԵՄ երկրներից՝ կազմելու ցուցակ, թե ինչ է ԵՄ-ն պատրաստ տրամադրել Ուկրաինային՝ որպես անվտանգության երաշխիքներ: Այս մասին հայտնում է բրիտանական Financial Times թերթը։

Նշվում է, որ խոսքը վերաբերում է զորքերի և զենքի տրամադրմանը և այն ամենին, ինչ «կարող է որպես անվտանգության երաշխիքներ ծառայել ցանկացած խաղաղ համաձայնագրի պահպանումն ապահովելու համար»։

Նախօրեին Ուկրաինայի նախագահ Վոլոդիմիր Զելենսկին հայտարարել էր, որ Ուկրաինան պետք է անվտանգության երաշխիքներ ստանա ԱՄՆ-ից հազվագյուտ հողային մետաղներ տրամադրելու դիմաց։ Նրա խոսքով՝ Ուկրաինան և Եվրոպան պետք է մասնակցեն հակամարտության կարգավորման բանակցային գործընթացին։