Թրամփը Զելենսկիին այլընտրանք չի թողել․ Bloomberg
Համաշխարհային Մամուլ
ԱՄՆ նախագահ Դոնալդ Թրամփը Վլադիմիր Զելենսկիին ուկրաինական հակամարտությունում լավ այլընտրանքներ չի թողել։ Այս մասին գրում է Bloomberg-ը։
Գործակալությունը պնդում է, որ Զելենսկու դեմ Թրամփի շրջադարձը Կիևին լավ այլընտրանքներ չի թողնում։ Թրամփի ընտրվելուց հետո մի քանի ամիսների ընթացքում Զելենսկին փորձում էր քայլել նուրբ գծով։
Սակայն Ռուսաստանի նախագահ Վլադիմիր Պուտինի հետ ամերիկացի առաջնորդի հեռախոսազրույցից հետո դա ավելի դժվարացավ անել։ Մնացած բոլոր հույսերը մարել են չորեքշաբթի օրը, երբ Թրամփը Զելենսկուն անվանել է բռնապետ, գրում է գործակալությունը։
ԱՄՆ նախագահն ասել է, որ Զելենսկին «ավելի լավ է արագ գործի» Ռուսաստանի հետ համաձայնության հասնելու համար, «հակառակ դեպքում նրան երկիր չի մնա»։
Bloomberg-ը նշում է, որ Զելենսկին ստիպված է լինելու ապավինել այն օգնությանը, որը կարող է առաջարկել Եվրոպան և շարունակել պատերազմել առանց ԱՄՆ աջակցության։
Հակառակ դեպքում նա ստիպված կլինի ընդունել ցանկացած գործարք, որի շուրջ Մոսկվան ու Վաշինգտոնը կպայմանավորվեն։
ՈՒՂԻՂ ԵԹԵՐ
Ամենադիտված 
Օսմանյան բանակի հայ սպայի թոռը դարձել է Թուրքիայի քաղաքացի
