Ի՞նչն է ԱՄՆ-Ուկրաինա հարաբերություններում առանցքային․ NBC
Վերլուծական
Միացյալ Նահանգները Ուկրաինայի հետ հանքային ռեսուրսների վերաբերյալ համաձայնագրի կնքումը դիտարկում է որպես երկրների միջև «ռազմավարական գործընկերության կառուցման կարևոր բաղադրիչ»։ Այս մասին հայտնում է ամերիկյան NBC հեռուստաընկերությունը՝ վկայակոչելով աղբյուրներ։
Ըստ նրանց՝ Վաշինգտոնի համապատասխան դիրքորոշումը Կիեւի իշխանություններին է փոխանցել ԱՄՆ ֆինանսների նախարար Սքոթ Բեսենտը՝ փետրվարի 12-ին Ուկրաինայի մայրաքաղաք կատարած այցի ժամանակ։ Նա նաև փաստաթղթի ստորագրումը կապել է Միացյալ Նահանգների կողմից Ուկրաինայի անվտանգության ապահովման և հետագա ամրապնդման հետ։
Աղբյուրների համաձայն՝ Կիևը «ապշել է» համաձայնագրի շուրջ բանակցելու Բեսենտի մոտեցումից։
Ֆինանսների նախարարը մեկ ժամ ժամանակ է տվել պայմանագիրը ստորագրելու համար և սպառնացել, որ մերժման դեպքում ամերիկյան կողմը չեղարկելու է Վլադիմիր Զելենսկու հանդիպումները ԱՄՆ փոխնախագահ Վանսի և պետքարտուղար Մարկո Ռուբիոյի հետ Մյունխենի համաժողովում։
Այս սպառնալիքների մասին տեղեկությունը հաստատել են նաև The Economist ամսագրի աղբյուրները։ Բանակցություններից հետո Վաշինգտոնը հետաձգել է Վենսի և Ռուբիոյի հետ հանդիպումները, սակայն դրանք, այնուամենայնիվ, տեղի են ունեցել համաժողովի միջոցառումների շրջանակներում։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
