ԱՄՆ-ն Ուկրաինային է հանձնել օգտակար հանածոների թարմացված նախագիծը․ Axios
Համաշխարհային Մամուլ
Վաշինգտոնի վարչակազմը Կիևին է փոխանցել Ուկրաինայում օգտակար հանածոների արդյունահանման վերաբերյալ երկկողմ համաձայնագրի նոր նախագիծը։ Վլադիմիր Զելենսկու խորհրդականները խորհուրդ են տվել համաձայնել Վաշինգտոնի առաջարկներին։ Այս մասին հայտնում է Axios ինտերնետային պորտալը։
Նրա խոսքով՝ ԱՄՆ նախագահ Դոնալդ Թրամփի վարչակազմը «ուկրաինական իշխանություններին է փոխանցել հանածո վառելիքի վերաբերյալ երկրների միջեւ բարելավված համաձայնագրի նախագիծը»։ Ինչպես պարզաբանել են աղբյուրները, «գործարքն այժմ ավելի հավանական է թվում»։
«Վերջին նախագծի տարբերակը զգալիորեն վերանայվել է և համապատասխանում է ուկրաինական օրենսդրությանը», - նշել է պորտալի աղբյուրներից մեկը։
Ինչպես նշվում է հրապարակման մեջ, «Զելենսկու խորհրդականներից մի քանիսը խորհուրդ են տվել նրան ստորագրել թարմացված փաստաթուղթը՝ Թրամփի հետ նոր բախումներից խուսափելու և ԱՄՆ հետագա աջակցությունը հիմնավորելու հնարավորություն տալու համար»։
Պորտալի տվյալներով՝ համաձայնագրի նոր նախագծում, մասնավորապես, չկա կետ, ըստ որի այն ենթակա է Նյու Յորքի դատարանի իրավասությանը։ Բացառվել են նաև այլ «դրույթներ, որոնք անհանգստություն առաջացրեցին ուկրաինացիների շրջանում», սակայն չի հստակեցվել՝ որոնք են։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
