Կրեմլը գնահատել է Թրամփի վարչակազմի մոտեցումը Ուկրաինայի կարգավորման հարցում
Ռուսաստան
Ռուսաստանի նախագահի մամուլի քարտուղար Դմիտրի Պեսկովը ճեպազրույցի ժամանակ հայտարարել է, որ Դոնալդ Թրամփի վարչակազմի մոտեցումը Ուկրաինայի հակամարտության խաղաղ կարգավորմանը գրավում է Մոսկվային։ Այս մասին հայտնում է RBC-ն։
«Ասում են, որ պետք է որքան հնարավոր է շուտ խաղաղություն հաստատել և դա անել բանակցությունների միջոցով։ Մենք նաև արդեն նշել ենք, որ այս դիրքորոշումը մեզ ավելի շատ է դուր գալիս, քան նախորդ վարչակազմինը, և որ այստեղ մենք բացարձակապես համաձայն ենք ամերիկյան վարչակազմի հետ»,- ասել է նա։
Նրա խոսքով, Ջո Բայդենի նախորդ վարչակազմը «ցանկանում էր շարունակել պատերազմը մինչև վերջին ուկրաինացին» և «ամերիկյան հարկատուների փողերը վատնել դրա վրա»։
Պեսկովը նաև նշել է, որ Կրեմլը տեսնում է «որոշակի տարաձայնություններ» Վաշինգտոնի և Կիևի միջև։ Իսկ Ուկրաինայի իշխանությունների կողմից այլ պետությունների ղեկավարների հասցեին արված հայտարարությունները նա անթույլատրելի ու անընդունելի է անվանել։
«Բոլոր նպատակներին պետք է հասնել, ցանկալի է, խաղաղ ճանապարհով, բանակցությունների միջոցով։ Դրան հասնելու համար որոշակի միջոցներ են ձեռնարկվում, բայց բուն կարգավորման առումով դեռևս քիչ կոնկրետություն կա»,- եզրափակել է ՌԴ նախագահի մամուլի քարտուղարը։
ՈՒՂԻՂ ԵԹԵՐ
Ամենադիտված 
Մոսկվայում հայտարարվել է վտանգի «դեղին» աստիճան
