Սա հասարակ աշխատանք չէ, որը կարելի է կատարել մեկ-երկու օրում․ Պոդոլյակ

Վլադիմիր Զելենսկու գրասենյակի ղեկավարի խորհրդական Միխայլո Պոդոլյակը հայտնել է, որ Ուկրաինան և Միացյալ Նահանգները շարունակում են վերջնական տեսքի բերել հանքային ռեսուրսների վերաբերյալ համաձայնագիրը, սակայն չի հաստատել Axios-ի տեղեկությունն այն մասին, որ Կիևը Վաշինգտոնից արդեն ստացել է նոր տարբերակ։

«Համաձայնագրի վրա աշխատանքները շարունակվում են, այն ոչ մի տեղ չի անհետացել, բայց մենք պետք է դրան համապատասխան ժամանակ տանք, որպեսզի այս համաձայնագիրը վերջնական տեսքի բերվի»,- ասել է նա ուկրաինական հեռուստամարաթոնի ժամանակ։

Պոդոլյակը խուսափել է պատասխանել այն հարցին, թե արդյոք Ուկրաինան ստացել է պայմանագրի նոր տարբերակը ԱՄՆ-ից։

«Սա հասարակ աշխատանք չէ, որը կարելի է կատարել մեկ-երկու օրում»,- հավելել է նա։