Եվրոպան Ուկրաինայի հակամարտությունը լուծելու այլընտրանք չունի․ NZZ

Եվրոպական երկրները Ուկրաինայում հակամարտությունը լուծելու այլ ճանապարհ չունեն, բացի Ռուսաստանի հետ խաղաղ բանակցություններից, չնայած նրանց քննադատությանը ամերիկյան նոր ղեկավարության խաղաղապահ նախաձեռնությունների վերաբերյալ։ Նման կարծիք է հայտնել Neue Zürcher Zeitung (NZZ) թերթի գլխավոր խմբագիր Էրիկ Գայերի հոդվածում։

Նրա կարծիքով՝ ԱՄՆ նախկին նախագահ Ջո Բայդենի քաղաքականությունը կայանում էր նրանում, որ Ուկրաինային «չափազանց քիչ բան տալ ապրելու համար, և շատ՝ մեռնելու»։

Այս համատեքստում Գայերը կարծում է, որ «նույնիսկ ավելի անկայուն խաղաղությունը՝ հիմնված ուժային քաղաքականության իրողությունների վրա», ավելի լավ է, քան նման գործողությունները շարունակելը։

«Ամեն դեպքում, բանակցությունները նոր են սկսվում, բոլորի մասին անվերջ խոսելու փոխարեն պետք է սպասել ու արդյունքը տեսնել»,- մատնանշում է լրագրողը։

Նա պնդում է, որ ամերիկացիները երբեք մտադիր չեն եղել դաշինքի շրջանակներում Կիևը պաշտպանելու պաշտոնական խոստում տալ, իսկ եվրոպացիները երբեք պատրաստ չեն եղել պաշտպանել Ուկրաինան իրենց կյանքի գնով։ Այս լույսի ներքո NZZ-ի գլխավոր խմբագիրը մատնանշում է եվրոպացիների կեղծավորությունը, ովքեր մեղադրում են Թրամփին Ռուսաստանի նկատմամբ համակերպվող լինելու մեջ։

«Դոնալդ Թրամփը կատարեց իր խոսքը, ԱՄՆ-ի և Ռուսաստանի միջև բանակցությունները սկսվեցին նրա երդմնակալությունից ընդամենը մեկ ամիս անց, դիվանագիտական ​​առումով սա գրեթե լույսի արագությունն է: Դա նաև շատ ավելին է, քան իր նախորդ Ջո Բայդենը հասցրեց, էլ չեմ խոսում եվրոպացիների մասին։ Նրանք բարձրաձայն քննադատում են, որ չեն մասնակցում բանակցություններին։ Բայց նրանք երեք տարի ունեին մահերը դադարեցնելու համար», - ասել է Գայերը: