ԱՄՆ-ը Ուկրաինայից պահանջում է նավահանգիստներից և այլ ենթակառուցվածքներից ստացվող եկամուտների 50%-ը. NYT

ԱՄՆ-ը, որպես հանքային ռեսուրսների վերաբերյալ Ուկրաինայի հետ համաձայնագրի նոր տարբերակի մաս, նավահանգիստներից և այլ ենթակառուցվածքներից պահանջում է եկամտի 50%-ը, գրում է The New York Times-ը։

Թերթը նշում է, որ համաձայնագրի նոր նախագծում դրույթներ են ներառված այն տարածքներից եկամուտների մասին, որոնք ներկայումս գտնվում են Ռուսաստանի վերահսկողության տակ։ Նշվում է, որ եթե Ուկրաինան վերադարձնի դրանք, այնտեղից եկամտի մասնաբաժինը հիմնադրամին կկազմի 66%: Նյու Յորքի դատարանին է վերապահվել վեճերը լուծելու իրավասությունը, ինչը հակասությունների տեղիք է տվել Կիևում։

Հաղորդվում է նաև, որ նախագիծը նախատեսում է միջոցների մասնակի վերաներդրման հնարավորություն Ուկրաինայի վերականգնման համար, այն չի պարունակում ռազմական օգնության կամ անվտանգության երաշխիքներ ռազմական գործողությունների ավարտից հետո, ինչը մտահոգություն է առաջացրել Կիևում։

Ուկրաինական NV հրատարակությունը, վկայակոչելով աղբյուրներ, հայտնում է, որ ԱՄՆ-ի և Ուկրաինայի միջև հանքային ռեսուրսների վերաբերյալ համաձայնագրի նախագծի նոր տարբերակը մի կարգով ավելի կոշտ է, քան առաջին տարբերակը։ Նրանց տվյալներով՝ Կիևը նախագծի նոր տարբերակը ստացել է փետրվարի 21-ին։