Մեծ Բրիտանիան արգելքներ է սահմանելու Ռուսաստանի բարձրաստիճան քաղաքական գործիչների նկատմամբ․ The Times

Մեծ Բրիտանիան մտադիր է արգելել  ռուս բոլոր բարձրաստիճան քաղաքական գործիչների, պաշտոնյաների և խոշոր ձեռնարկությունների ղեկավարների մուտքն իր տարածք։ Այս մասին գրում է բրիտանական The Times թերթը։

«Մեծ Բրիտանիան ծրագրում է արգելել ռուս բոլոր բարձրաստիճան քաղաքական գործիչների մուտքը»,- ասվում է հրատարակության մեջ։

Միացյալ Թագավորության ներքին գործերի նախարարությունը, ինչպես նշված է նյութում, սահմանափակող միջոցներ է մտցնելու «բոլոր տարածաշրջանային և դաշնային նախարարների, ինչպես նաև Ռուսաստանի խոշոր ընկերությունների ղեկավարների և ավագ մենեջերների նկատմամբ»:

Ըստ Լոնդոնի, այս քայլն անհրաժեշտ է Ռուսաստանի վրա ճնշումը մեծացնելու և միևնույն ժամանակ Բրիտանիայի համար ենթադրյալ «ազգային սպառնալիքը» նվազեցնելու համար։