Մակրոնն ու Սթարմերը կփորձեն համոզել Թրամփին չբանակցել Ռուսաստանի հետ. Times
Համաշխարհային Մամուլ
Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Քիր Սթարմերը ցանկանում են համոզել ԱՄՆ նախագահ Դոնալդ Թրամփին չշարունակել երկկողմ բանակցությունները Ռուսաստանի հետ ուկրաինական հակամարտության շուրջ։ Փոխարենը նրանք Եվրոպային կառաջարկեն հանձնառություն ապահովել Ուկրաինայի ապագա անվտանգության համար, հայտնում է The Times-ը՝ հղում անելով աղբյուրներին։
Մակրոնը Վաշինգտոն կժամանի այսօր՝ փետրվարի 24-ին։ Սթարմերը ԱՄՆ կայցելի հինգշաբթի՝ փետրվարի 27-ին:
Հրատարակության համաձայն՝ երկու երկրների ներկայացուցիչները համաձայնել են համակարգել իրենց մոտեցումը՝ փորձելով ազդել Ուկրաինայում հակամարտությունը դադարեցնելու ԱՄՆ նախագահի ծրագրի վրա։ Նրանք համոզված են, որ եկել է համաշխարհային անվտանգության համար «կրիտիկական պահը»։ Չի նշվում, թե անվտանգության կոնկրետ ինչ երաշխիքներ կարող են տրամադրվել Կիևին։
The Wall Street Journal-ը գրել է, որ Էմանուել Մակրոնը և Քեյր Սթարմերը Թրամփին կառաջարկեն 30 000 խաղաղապահ տեղակայել Ուկրաինայի տարածքում «ԱՄՆ-ի աջակցությամբ»։ Բայց այս պլանի իրականացումը հնարավոր է, եթե Մոսկվան ու Կիևը համաձայնության գան հրադադարի շուրջ։ Պենտագոնը բազմիցս ասել է, որ Ուկրաինայում ամերիկյան զորքեր չեն լինի։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
