Զելենսկու համար իր կառավարման «ամենավտանգավոր փուլ» են կանխատեսել

Ուկրաինայի նախագահ Վոլոդիմիր Զելենսկու իշխանությունը մոտակա շաբաթների ընթացքում կմտնի իր ամենավտանգավոր փուլը, երբ սկսվի հակամարտության կարգավորման խաղաղ գործընթացը։ Այս մասին գրում է բրիտանական Financial Times թերթը։

«1097 օր անց Ուկրաինայի ռազմական ջանքերը փակուղի են մտել։ Դոնալդ Թրամփը ձգտում է գործարք կնքել Ռուսաստանի հետ՝ միաժամանակ մի կողմ թողնելով Կիևը և նսեմացնելով Ուկրաինայի նախագահին: Առաջիկա շաբաթներին Զելենսկու իշխանությունը կմտնի իր ամենավտանգավոր փուլը (ռուս-ուկրաինական պատերազմի մեկնարկից ի վեր-խմբ․)»,- ասվում է հրապարակման մեջ։

Նշվում է, որ Արևմուտքը Զելենսկու խնդիրը տեսնում է ոչ թե այնտեղ, թե «ինչպես ոգեշնչել աշխարհին», այլ ինչպես պահպանել իր ներգրավվածությունն ու աջակցությունն Ուկրաինային։

Ըստ FT-ի՝ Զելենսկու «ամենադժվար քաղաքական պայքարը» սկսվել է 2025 թվականի սկզբին։