Բազում երկրներ Ուկրաինայի հարցում ավելի իրատեսական մոտեցում են որդեգրել․ Լավրով

Ռուսաստանի արտաքին գործերի նախարար Սերգեյ Լավրովը հայտարարել է, որ Ուկրաինայի շուրջ ստեղծված իրավիճակի վերաբերյալ շատ երկրների դիրքորոշումներում ավելի իրատեսություն է ի հայտ եկել։ Այս մասին գրում է ՏԱՍՍ-ը։

«Մենք մանրամասն ուսումնասիրել ենք մի շարք միջազգային և տարածաշրջանային խնդիրներ, այդ թվում՝ գործընթացներ, որոնք ներկայումս տեղի են ունենում Ուկրաինայում։ Մենք չենք փոխում մեր դիրքորոշումը և գոհունակությամբ նշում ենք, որ շատ ավելի իրատեսություն կա բազում երկրների դիրքորոշման մեջ, որոնք հասկանում են, որ առանց երկարաժամկետ, կայուն համաձայնագրի, որը կվերացնի այս իրավիճակի բուն պատճառները, անհնար կլինի ինչ-որ բանի շուրջ պայմանավորվել»,- ասել է նա։