Գիտնականները պարզել են՝ սթրեսը ուղեղին ստիպում է «կարծրատիպային» որոշումներ կայացնել

Կալիֆորնիայի համալսարանի գիտնականները պարզել են, որ երկարատև սթրեսը խանգարում է գիտակցված որոշումների կայացմանը և մեծացնում է «ավտոպիլոտի»՝ կարծրատիպային վարքագծի հակումը: Հետազոտության արդյունքները հրապարակվել են Nature ամսագրում։

Գիտնականները վաղուց են նկատել, որ մարդիկ, ովքեր խրոնիկ սթրեսի մեջ են, հաճախ դա փոխհատուցում են վատ սովորություններով, օրինակ՝ ծխելով կամ անառողջ սնունդ ուտելով՝ գիտակցված որոշումներ կայացնելու փոխարեն:

Գիտնականները հայտնաբերել են երկու նյարդային ուղիներ, որոնք կարգավորում են վարքը: Երկուսն էլ վերամշակում են սթրեսը և հասցնում է ուղեղին, որը պատասխանատու է սովորությունների և գիտակցված որոշումների հավասարակշռման համար:

Փորձագետները ենթադրում են, որ գործընթացները, ամենայն հավանականությամբ, տարբերակներ են առաջարկում կախվածություն առաջացնող վարքագծի խանգարումների բուժման համար: