Թուրքիան պատրաստ է Ուկրաինայի հարցով բանակցություններ կազմակերպել իր տարածքում․ Ֆիդան

Թուրքիայի արտգործնախարար Հաքան Ֆիդանը հայտարարել է, որ իր երկիրը պատրաստ է Ուկրաինայի հարցով խաղաղ բանակցություններ կազմակերպել իր տարածքում և կարծում է, որ խաղաղ կարգավորումը պետք է իրականացվի հակամարտության երկու կողմերի մասնակցությամբ։ Այս մասին նա ասել է Անկարայում ՌԴ ԱԳ նախարար Սերգեյ Լավրովի հետ կայացած մամուլի ասուլիսում, գրում է ՏԱՍՍ-ը։

«Պատերազմի սկսվելուց կարճ ժամանակ անց մենք կողմերին հավաքեցինք Ստամբուլում։ Մենք շարունակեցինք մեր դիվանագիտական ​​աշխատանքը խաղաղ լուծում գտնելու համար։ Այսօր մենք մտնում ենք պատերազմի երրորդ տարի։ Մենք տեսնում ենք ԱՄՆ-ի նախաձեռնած բանակցությունները, որոնք համահունչ են մեր դիրքորոշմանը և ջանքերին։ Միևնույն ժամանակ, մենք կարծում ենք, որ լուծումը կարելի է գտնել երկու կողմերի մասնակցությամբ բանակցությունների միջոցով։ Այս համատեքստում մենք պատրաստ ենք ցուցաբերել հնարավոր բոլոր աջակցությունը և պատրաստ ենք ընդունել խաղաղ բանակցությունները։ Խաղաղ կարգավորումը հույժ անհրաժեշտ է»,- ասել է Ֆիդանը։