Պեսկովն ասել է՝ ԵՄ-ն պատրաստ է շարունակել Ուկրաինայում հակամարտությունը

Եվրոպական երկրները ցույց են տալիս իրենց համոզմունքը Ուկրաինայում ռազմական հակամարտությունը շարունակելու անհրաժեշտության մեջ։ Այս մասին լրագրողների հետ ճեպազրույցում ասել է ՌԴ նախագահի մամուլի քարտուղար Դմիտրի Պեսկովը, փոխանցում է Gazeta-ն։

Նա նշել է, որ Եվրոպան շարունակում է «ընթանալ պատժամիջոցների խստացման ճանապարհով»։

«Եվրոպացիների այս համոզմունքը լիովին հակասում է Ուկրաինայի շուրջ հակամարտությունը կարգավորելու ուղիներ գտնելու տրամադրություններին, ինչը մենք հիմա անում ենք ամերիկացիների հետ»,- ասել է Կրեմլի խոսնակը՝ պատասխանելով հարցին՝ ինչպես է Մոսկվան գնահատում Ռուսաստանի դեմ Եվրամիության պատժամիջոցների նոր փաթեթը և Եվրոպայի հետ հարաբերությունների հեռանկարները։

Պեսկովը նաեւ հայտարարել է, որ ռուսական կողմը դեռ նախադրյալներ չի տեսնում Եվրոպայի հետ հարաբերությունները վերականգնելու համար։