«Հայկական ժամանակ». տուն-տունիկ

Թերթը գրում է. «Լավատեղյակ աղբյուրներից հայտնի դարձավ, որ ԱԺ նախագահ Սամվել Նիկոյանը առաջիկա օրերին պատրաստվում է բնակության տեղափոխվել կառավարական առանձնատների «Հրազդան» համալիր: Նրա ընտանիքին այնտեղ հատկացվելու է առանձնատուն:

Նիկոյանի այս որոշումը կարելի է հասկանալ. սա իշխանության սիմվոլ այդ վայրում հյուրընկալելու հնարավորություն է, որ առաջիկա խորհրդարանական ընտրություններից հետո նա կարող է և չունենալ: Դիտորդները դժվար են պատկերացնում իրադարձությունների զարգացման մի այնպիսի սցենար, երբ Սամվել Նիկոյանը խորհրդարանական ընտրություններից հետո էլ պահպանի Ազգային Ժողովի նախագահի կարգավիճակը: Ինչպես նշել ենք, ընտրություններում նույնիսկ ՀՀԿ-ի հաղթանակի պարագայում, որը քիչ հավանական է թվում, ԱԺ նախագահի պաշտոնի ամենահավանական հավակնորդը գործող վարչապետ Տիգրան Սարգսյանն է: Իսկ թե ում է պատկերացնում վարչապետի պաշտոնում Սերժ Սարգսյանը՝ ընտրություններում հաղթելու պարագայում, առայժմ դժվար է ասել»: