Ինչու Ուկրաինային զենքի մատակարարումը կշարունակվի մինչև 2026 թվականը․ The Wall Street Journal

ԱՄՆ նախկին նախագահ Ջո Բայդենի վարչակազմն ակտիվորեն զենք է մատակարարել Ուկրաինային և պայմանագրեր է կնքել պաշտպանական արդյունաբերության հետ, ինչի կապակցությամբ՝ Ուկրաինայի զինված ուժերին զենքի մատակարարումը կշարունակվի մինչև 2026 թվականը։ Այս մասին գրում է ամերիկյան The Wall Street Journal թերթը։

Ինչպես գրում է WSJ-ը, ԱՄՆ նախկին նախագահի վարչակազմը ձգտել է Ուկրաինային հնարավորություն տալ՝ «շարունակելու պայքարը որքան հնարավոր է երկար», ինչի կապակցությամբ՝ ԱՄՆ-ը զենք է ուղարկել առկա պահեստներից և պայմանագրեր կնքել երկրի պաշտպանական արդյունաբերության հետ՝ զինամթերք և այլ անհրաժեշտ սարքավորումներ գնելու Ուկրաինայի Զինված ուժերի համար։

«Այդ մատակարարումները կշարունակվեն մինչև 2026 թվականը»,- եզրափակում է թերթը։

Հրատարակությունը հիշեցնում է, որ նախագահական քարոզարշավի ընթացքում Դոնալդ Թրամփը բազմիցս «քննադատել է Կիև ուղարկված միլիարդները»։ Բացի այդ, ԱՄՆ Կոնգրեսի շատ հանրապետականներ դեմ են արտահայտվել Ուկրաինային տրամադրվող օգնության վերջին փաթեթին, որը հաստատվել է անցյալ տարվա ապրիլին։