Բաքուն փորձում է թույլ չտալ Հայաստանում կատարել սահմանադրական բարեփոխումներ․ Եղոյան

Բաքվի հայտարարությունը գնահատում եմ որպես խոչընդոտ ՀՀ սահմանադրական բարեփոխումներին։ Այս մասին ասաց Հայաստանի ԱԺ եվրոպական ինտեգրացիայի հարցերի հանձնաժողովի նախագահ Արման Եղոյանն՝ անդրադառնալով Ադրբեջանի ԱԳ փոխնախարար Էլնուր Մամեդովի հայտարարությանը, թե Բաքուն ակնկալում է՝ «Հայաստանը կհրաժարվի Ադրբեջանի նկատմամբ տարածքային պահանջներից՝ Սահմանադրության մեջ փոփոխություն մտցնելով»։

«Ադրբեջանի ներկայացուցիչները, հրաշալի իմանալով, թե ինչ ռեակցիա է դա բերելու Հայաստանում, փորձում են թույլ չտալ Հայաստանում կատարել սահմանադրական բարեփոխումներ»,– ասաց նա։

Հարցին, թե ինչ ազդեցություն կունենա դա խաղաղության գործընթացի վրա, նա նշեց․ «Խաղաղության համաձայնագրի նախագծի 17 կետերից 15–ը համաձայնեցված են, 2–ը համաձայնեցված չեն, և դրանցից ոչ մեկը չի վերաբերվում ՀՀ Սահմանադրությանը»։