2024 թվականին Հայաստանում կրճատվել են ցորենի ցանքատարածությունները. Վիճակագրական կոմիտե

ՀՀ Վիճակագրական կոմիտեն հրապարակել է «Պարենային ապահովություն և աղքատություն, 2024թ. հունվար-դեկտեմբեր» զեկույցը։

Չնայած վերնագրում ամրագրված է աղքատության մակարդակը, սակայն այն թարմացված չէ՝ չկա 2024 թվականի ցուցանիշը և միայն ներկայացված է 2023 թվականինինը ըստ որի բնակւչության 23.7 %-ը աղքատ է։

Ըստ վիճակագրության. «2024թ. համախառն ներքին արդյունքի (ՀՆԱ) ծավալի ինդեքսը կազմել է 105.9% : ՀՆԱ-ի ծավալն ընթացիկ գներով 2024թ. կազմել է 10 127 165.9 մլն. դրամ, այդ թվում գյուղատնտեսության ծավալը՝ 802 523.2 մլն. դրամ կամ ՀՆԱ-ում 7.9%: 2024թ. ՀՆԱ-ի 5.9%-ով աճին (105.9%) զուգընթաց արձանագրվել է գյուղատնտեսության 1.0%-ով աճ (101.0%):
2024թ. IV եռամսյակում համախառն ներքին արդյունքի (ՀՆԱ) ծավալի ինդեքսը կազմել է 103.7% ՀՆԱ-ի ծավալն ընթացիկ գներով 2024թ. IV եռամսյակում կազմել է 3 110 911.6 մլն. դրամ, այդ թվում գյուղատնտեսության ծավալը` 263 481.8 մլն. դրամ կամ ՀՆԱ-ում 8.5%: 2024թ. IV եռամսյակում ՀՆԱ-ի 3.7%-ով աճին (103.7%) զուգընթաց արձանագրվել է գյուղատնտեսության 0.8% աճ (100.8%):

2024թ. սպառողական գների միջին տարեկան ինդեքսը կազմել է 100.3%՝ նախորդ տարվա 102.0%-ի դիմաց: Սպառողական գների աճին նպաստել է ծառայությունների գնաճը՝ 3.0%: Միևնույն ժամանակաշրջանում պարենային ապրանքների (ներառյալ ալկոհոլային խմիչք և ծխախոտ) և ոչ պարենային ապրանքների գների ինդեքսները կազմել են, համապատասխանաբար` 98.8% և 99.2%:

2024թ. IV եռամսյակում սպառողական գների ինդեքսը կազմել է 101.1%՝ նախորդ տարվա համապատասխան ժամանակաշրջանի 99.7%-ի դիմաց (Աղյուսակ 2.1.): Գրանցված գնաճը պայմանավորված է ծառայությունների և պարենային ապրանքների (ներառյալ ալկոհոլային խմիչք և ծխախոտ) գնաճով, համապատասխանաբար՝ 2.9% և 1.3%: Միևնույն ժամանակաշրջանում ոչ պարենային ապրանքների գների ինդեքսը կազմել է 98.0%»:

Հրապարակված վիճակագրությունից պարզ է դառնում , որ նախորդ տարի ցորենի ցանքատարածքները կրճատվել են։ 2023 թվականին ցորենի ցանքատարածքները կազմել են 127 091 հեկտար, իսկ ահա 2024 թ-ին՝ 116 405 հա։  Այս ռազմավարական նշանակության մշակաբույսի ցանքատարածները կրճառվել են այդ կուլտուրայով ավանդաբար զբաղվող մարզերում՝Գեղարքունիքում, Շիրակում և Սյունիքում։