Ռուսաստանի երկնքում մեկ գիշերվա ընթացքում 128 անօդաչու թռչող սարք է խոցվել

Անցած գիշեր հակաօդային պաշտպանության համակարգերը Ռուսաստանի օդում 128 անօդաչու թռչող սարք են խոցել, հայտնում է ՌԴ ՊՆ-ի Telegram-յան էջը։

Ամենաշատ անօդաչուները՝ 83-ը, ոչնչացվել են Կրասնոդարի երկրամասում, 30-ը՝ Ղրիմում, 8-ը՝ Ազովի ծովի տարածքում։

Մեկական ոչնչացվել է Բրյանսկի և Կուրսկի շրջաններում։

Կրասնոդարի նահանգապետ Վենիամին Կոնդրատևը, խոսելով հարձակման հետևանքների մասին, հայտնել է, որ Տուապսեում, Ստարոտիտարովսկայա գյուղում և Տեմրյուկի շրջանի Ստրելկա գյուղում երեք տներ են վնասվել։

 Մարզի ղեկավարի խոսքով՝ ոչ ոք չի տուժել։ Սոչիի օդանավակայանում սահմանափակումներ են մտցվել ժամը 1։47-ից։

Բրյանսկի շրջանում զոհեր և ավերածություններ չկան, գրել է նահանգապետ Ալեքսանդր Բոգոմազը։

Ինչպես արդեն հայտնել ենք ևս այսօր՝ փետրվարի 26-ին, ՌԴ ՀՕՊ համակարգերը Սև ծովում ոչնչացրել են Ուկրաինայի զինված ուժերի չորս անօդաչու թռչող սարք, հայտնել է Սևաստոպոլի նահանգապետ Միխայիլ Ռազվոժաևը։