Ֆրանսիան ակնկալում է, որ ԱՄՆ-ը կաջակցի Ուկրաինայում եվրոպական ուժերին․ Bloomberg

Ֆրանսիան ակնկալում է, որ ԱՄՆ-ը կաջակցի եվրոպական ուժերին, որոնք կարող են Ուկրաինա ուղարկվել՝ որպես խաղաղապահ զորախումբ։ Այս մասին Bloomberg-ին տված հարցազրույցում հայտարարել է Ֆրանսիայի էկոնոմիկայի և ֆինանսների նախարար Լոմբարդը։

«Եթե մենք ցանկանում ենք, որ հրադադարը պահպանվի, մեզ անհրաժեշտ է ԱՄՆ աջակցությունը»,- ընդգծել է նա։

Ավելի վաղ The Wall Street Journal-ը գրել էր, որ Ուկրաինայում հակամարտությունը կարգավորելու ԱՄՆ-ի պլանը չի ներառում ամերիկյան ռազմական ուժեր ուղարկելը կամ ռազմական գործողությունների դեպքում օգնությունը:

Միևնույն ժամանակ, բրիտանական The Economist ամսագիրը նշել է, որ Ֆրանսիան և Մեծ Բրիտանիան ծրագրում են Ուկրաինայում տեղակայել իրենց զինուժը ոչ թե մարտական ​​շփման գծում, այլ քաղաքներում, նավահանգիստներում, ուկրաինական ատոմակայաններում և այլ ենթակառուցվածքային օբյեկտներում։