«Եթե երկրում թշնամին վերցրել է իշխանությունը, այլևս ի՞նչ Ազգային անվտանգության ռազմավարություն» (տեսամկութ)

Փաշինյանն ու իր թիմակիցները կարող են Ազգային անվտանգության ռազմավարության կամ որևէ այլ կարևոր փաստաթղթում գրել շատ լավ մտքեր ու գաղափարներ, բայց անել ճիշտ հակառակը, ինչպես եղավ, օրինակ, Արցախի պարագայում: Ուստի այս նոր նախաձեռնությանն էլ չարժե լուրջ վերաբերվել: Euromedia24-ի հետ զրույցում այս մասին նշեց «Ազգային անվտանգություն» կուսակցության նախագահ Գառնիկ Իսագուլյանը՝ խոսելով վարչապետ Նիկոլ Փաշինյանի որոշմամբ Հայաստանի ազգային անվտանգության նոր ռազմավարություն ընդունելու նախաձեռնության մասին:

Գառնիկ Իսագուլյանը, որը 2004-2009 թթ. զբաղեցրել է հանրապետության նախագահի՝ ազգային անվտանգության հարցերով խորհրդականի պաշտոնը, գործուն մասնակցություն է ունեցել դեռևս Ռոբերտ Քոչարյանի օրոք՝ 2007 թ. փետրվարին ընդունված Ազգային անվտանգության առաջին ռազմավարության մշակման աշխատանքներին, եղել է այդ հարցով ստեղծված հանձնաժողովի անդամ:

Նշենք, որ վարչապետ Նիկոլ Փաշինյանի փետրվարի 19-ի N 125-Ա որոշմամբ ստեղծվելու է ՀՀ ազգային անվտանգության ռազմավարության վերանայման աշխատանքները համակարգող միջգերատեսչական հանձնաժողով, որը ղեկավարելու է Անվտանգության խորհրդի քարտուղար Արմեն Գրիգորյանը:

Մանրամասները՝ տեսանյութում:

Հեղինակ՝ Արամ Սարգսյան