Ամերիկյան բանկը պատահաբար 81 տրլն դոլար է փոխանցել հաճախորդին

Անցյալ տարի ԱՄՆ Citibank-ը թույլ է տվել պատմության մեջ, թերեւս, գործարքի ամենամեծ սխալը՝ 280 դոլարի փոխարեն հաճախորդին փոխանցելով 81 տրիլիոն դոլար: Այս մասին գրում է Financial Times-ը՝ վկայակոչելով ներքին բանկային փաստաթղթերը։

Սխալ փոխանցումը թույլ է տվել երկու աշխատակից։ Անհամապատասխանությունը հայտնաբերվել է գրանցման միայն հաջորդ օրը։

Երրորդ մասնագետը բանկային հաշիվներում մնացորդի խնդիր է տեսել և չեղարկել փոխանցումը։ Մի քանի ժամվա ընթացքում դրամական միջոցները վերադարձվել են հաշվեհամարներին:

Զեկույցում պարզվել է, որ Citibank-ը նախորդ տարի ունեցել է ընդհանուր առմամբ 10 խոշոր գործարքի փոխանցման սխալ դեպք: