Եգիպտոսում սահմանադրության հանրաքվեի ժամանակն տեղի են ունեցել բռնություններ եւ ցույցեր

Քվեարկությունը սկսվելուն պես երկրում գրանցվել են բռնությունների դեպքեր, անցկացվել բողոքի ցույցեր։ Իշխանությունները տեղեկացնում են, որ ընտրատարածքները պաշտպանելու նպատակով 12Օ հազար զինվորականներ են տեղակայել տարբեր հատվածներում։ Այս մասին հաղորդում են բրիտանական լրատվական կայքերը:

Քվեարկությանը մասնակցելու է երկրի բնակչության մոտ կեսը։ Մնացյալ մասը քվեարկելու է դեկտեմբերի 22-ին։ Սահմանադրական փոփոխությունները, որոնց շուրջ անց է կացվում հանրաքվեն, ներակայացրել է նախագահ Մուհամեդ Մորսին՝ ստանալով «Մահմեդական եղբայրություն»կուսակցության աջակցությունը։ Աշխարհիկ ու քրիստոնյա ընդդիմությունը պնդում է, որ այս փոփոխություններով Մորսին ցանկանում է արմատախիլ անել քաղաքացիական ազատությունները, քանի որ այն հարվածում է մահմեդական օրենքներին եւ որեւէ տեղ չի նշում կանանց իրավունքների պաշտպանության մասին։

Նախորդ օրը երեկոյան բախումներ էին սկսվել Ալեքսանդրիա քաղաքի մզկիթներից մեկի մոտ, երբ ցուցարարները նետել են քարեր, ոստիկանությունը՝ պատասխանել արցունքաբեր գազի կրակոցներով։ Մոտավորապես 15 մարդ ստացել է մարմնական վնասվածքներ։ Բախումներ են տեղի ունեցել նաեւ մայրաքաղաք Կահիրեում։ Հարկ է նշել, որ նախագահ Մորսին արդեն մասնակցել է քվեարկությանը։