Գիտնականները պարզել են, որ Վեզուվ հրաբուխի ժայթքումը զոհի ուղեղը վերածել է ապակու

Հռոմի Երրորդ համալսարանի գիտնականները՝ հրաբխագետ Գվիդո Ջորդանոյի գլխավորությամբ, հայտնաբերել են եզակի գտածո, և պարզվել է, որ գրեթե 2000 տարի առաջ Վեզուվի աղետալի ժայթքումից մահացած մարդու ուղեղը վերածվել է ապակու: Օրգանը ենթարկվել է ապակեցման՝ չափազանց հազվագյուտ գործընթաց, որը նախկինում երբեք չի եղել փաստագրված մարդու կամ կենդանիների հյուսվածքներում: Աշխատանքը հրապարակվել է Scientific Reports (SR) ամսագրում։

Ապակեցումը նյութը ապակու վերածելու գործընթացն է շատ արագ սառեցման միջոցով: Արդյունքում, նյութի մոլեկուլները ժամանակ չունեն բյուրեղային կառուցվածքի մեջ կազմակերպվելու համար, ինչը հանգեցնում է ամորֆ (խանգարված) պինդ մարմնի ձևավորմանը, որը հայտնի է՝ որպես ապակի։

Ուղեղը ենթարկվել է այս գործընթացին ավելի քան 510 աստիճան Ցելսիուս ջերմաստիճանի տակ, ինչը հանգեցրել է արագ տաքացման, իսկ հետո՝ արագ հովացման: Գիտնականներն օգտագործել են տարբեր վերլուծական մեթոդներ, այդ թվում՝ էլեկտրոնային մանրադիտակ և ռենտգենյան սպեկտրոսկոպիա՝ մահացածի գանգի և ողնաշարի ապակու նմուշները հետազոտելու համար:

Ուսումնասիրությունները ցույց են տվել, որ նեյրոնների և աքսոնների մոլեկուլները պահպանվել են ապակու մեջ, ինչը թույլ է տալիս խոսել նյարդային կառուցվածքների արտասովոր պահպանման մասին։