Զելենսկին հանդիպել է Մեծ Բրիտանիայի թագավոր Չարլզ III-ի հետ

Ուկրաինայի նախագահ Վոլոդիմիր Զելենսկին Նորֆոլկում հանդիպել է Մեծ Բրիտանիայի թագավոր Չարլզ III-ի հետ, հայտնում է Sky News-ը։

«Զելենսկին Լոնդոնի գագաթնաժողովից հետո ուղղաթիռով մեկնել է Նորֆոլկ, թագավորն անձամբ հանդիպել է նրան: Նրանք զրուցել են և լուսանկարվել նախքան կալվածք մտնելը»,- ասվում է զեկույցում։

Հանդիպումը տեղի է ունեցել Լոնդոնում եվրոպական գագաթնաժողովից հետո, որտեղ քննարկվել են Ուկրաինայում ստեղծված իրավիճակը և Եվրոպայի պաշտպանունակության ամրապնդման հնարավորությունները։

Մեծ Բրիտանիայի վարչապետ Քիր Սթարմերը ավելի վաղ հայտարարել էր Կիևին 3,2 միլիարդ դոլար արժողությամբ օգնության նոր փաթեթ հատկացնելու մասին։