Թրամփը թիմի հետ կքննարկի Ուկրաինայի դեմ միջոցներ ձեռնարկելու հարցը․ NYT
Համաշխարհային Մամուլ
ԱՄՆ նախագահ Դոնալդ Թրամփն այսօր՝ երկուշաբթի օրը, հանդիպումներ է ունենալու Ազգային անվտանգության հարցերով իր գլխավոր օգնականների հետ ՝ նպատակ ունենալով դիտարկել և, հավանաբար, միջոցներ ձեռնարկել Կիևի նկատմամբ: Այս մասին հայտնում է The New York Times-ը՝ վկայակոչելով ամերիկացի պաշտոնյային։
Որոշումն ընդունվել է փետրվարի 28-ին Ուկրաինայի նախագահ Վլադիմիր Զելենսկու հետ Նախագահի լեզվակռվից հետո։ Հանրապետականը մարտի 3-ին նախատեսում է հանդիպել նաև պետքարտուղար Մարկո Ռուբիոյի և պաշտպանության նախարար Փիթ Հեգսեթի հետ, գրում է պարբերականը:
Ըստ NYT-ի զրուցակցի՝ քննարկումներում կարող են արծարծվել Կիևին ռազմական օգնության ժամանակավոր և նույնիսկ ամբողջությամբ դադարեցման թեմաները: Խոսքը նաեւ նախկին նախագահ Ջո Բայդենի վարչակազմի կողմից հավանության արժանացած զինամթերքի եւ սարքավորումների մատակարարման մասին է, հավելել Է պաշտոնյան։
NYT-ի տվյալներով՝ ԱՄՆ-ն կարող է ամբողջությամբ դադարեցնել աջակցությունը Կիևին ՝ դադարեցնելով ռազմական ֆինանսավորումը, հետախուզական տվյալների փոխանակումը և ուկրաինացի զինվորականների ուսուցումը։
«Թրամփը կարգադրել է քննարկել հնարավոր տարբերակները հանդիպումից անմիջապես հետո», - գրել է The Wall Street Journal-ը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
