Սանկտ Պետերբուրգում բարձրահարկ շենքի շքամուտքում մեկ տարեկան աղջիկ են գտել

Սանկտ Պետերբուրգում բարձրահարկ շենքի շքամուտքում գտել են մեկ տարեկան աղջկա: Այս մասին հայտնել է ՆԳՆ քաղաքային վարչությունը Telegram-ում։

Ինչպես հայտնել են գերատեսչությունում, մանկասայլակով երեխան հայտնաբերվել է մարտի 3-ին։ Ընդ որում, երեխայի ծնողները այնտեղ չեն եղել։

Դեպքի վայր ժամանած ոստիկանները շտապ օգնության խումբ են կանչել դեպքի վայր, որն էլ տարել է երեխային։

Աղջկա 20-ամյա մորը հաջողվել է գտնել հանրային սննդի հաստատություններից մեկում։

Իրավապահներին նա հայտարարել է, որ այլևս չի ցանկացել զբաղվել երեխայի դաստիարակությամբ, ուստի խնդրել է իր 16-ամյա ծանոթներին սայլակը տանել ինչ-որ բնակելի տան մոտ և թողնել այնտեղ:

Մինչ այդ կինն արդեն պատասխանատվության էր ենթարկվել ծնողական պարտականությունները չկատարելու համար։

Հարուցվել է քրեական գործ։