Մակրոնը համարձակ հայտարարություն է անում Ռուսաստանի մասին

Ռուսաստանը դարձել է «սպառնալիք» Ֆրանսիայի և Եվրոպայի համար, հայտարարել է Ֆրանսիայի նախագահ Էմանուել Մակրոնը՝ ելույթ ունենալով BFMTV հեռուստաալիքով։

«Ռուսաստանի ագրեսիան սահմաններ չունի, Ռուսաստանը այժմ և դեռ երկար տարիներ սպառնալիք է դարձել Ֆրանսիայի և Եվրոպայի համար»,- ասել է նա։

РИА Новости-ի փոխանցմամբ՝ Մակրոնը հավելել է, որ կարծում է, որ Ռուսաստանը սպառնալիք է Եվրոպայի համար օդում, սոցիալական ցանցերում և կիբերտարածքում։ Նա նաև պնդում էր, որ Ռուսաստանը «շարունակում է վերազինվել»։

Ավելի վաղ ՌԴ նախագահ Վլադիմիր Պուտինը ամերիկացի լրագրող Թակեր Կառլսոնին տված հարցազրույցում մանրամասնել էր, որ Մոսկվան չի պատրաստվում հարձակվել ՆԱՏՕ-ի երկրների վրա. Ռուսաստանի ղեկավարը նշել է, որ արևմտյան քաղաքական գործիչները պարբերաբար վախեցնում են իրենց բնակչությանը ռուսական երևակայական սպառնալիքով, որպեսզի շեղեն ուշադրությունը ներքին խնդիրներից, սակայն «խելացի մարդիկ հիանալի հասկանում են, որ դա կեղծիք է»։

Վերջին տարիներին Ռուսաստանը նկատել է ՆԱՏՕ-ի աննախադեպ ակտիվություն իր արևմտյան սահմաններին: Դաշինքը ընդլայնում է նախաձեռնությունները և դա անվանում «ռուսական ագրեսիայի զսպում»։ Մոսկվան բազմիցս մտահոգություն է հայտնել Եվրոպայում դաշինքային ուժերի կուտակման կապակցությամբ: ՌԴ ԱԳՆ-ն հայտարարել է, որ Մոսկվան բաց է մնում ՆԱՏՕ-ի հետ երկխոսության համար, բայց հավասար հիմունքներով, մինչդեռ Արևմուտքը պետք է հրաժարվի մայրցամաքի ռազմականացման ուղղությամբ իր կուրսից։

Թարգմանությունը՝ Մանուել Թամազյանի