Թրամփը «վերջին նախազգուշացումն» է արել ՀԱՄԱՍ-ին
Համաշխարհային Մամուլ
ԱՄՆ նախագահ Դոնալդ Թրամփը պաղեստինյան ՀԱՄԱՍ շարժումից պահանջել է ազատ արձակել բոլոր իսրայելցի պատանդներին՝ սպառնալով հատուցում պահանջել, եթե նրանք հրաժարվեն դա անել։
«Ազատ արձակեք բոլոր պատանդներին հիմա, ոչ ավելի ուշ, և անմիջապես վերադարձրեք ձեր սպանած մարդկանց բոլոր մարմինները, այլապես ամեն ինչ ավարտված է ձեզ համար», - գրել է Թրամփը իր The Truth Social սոցիալական ցանցում։
Նա զգուշացրել է, որ «ՀԱՄԱՍ-ի ոչ մի անդամ ապահով չի լինի», քանի դեռ պաղեստինյան շարժումը չի կատարել իր պայմանները։
«Սա ձեր վերջին նախազգուշացումն է, հիմա ժամանակն է, որ ղեկավարությունը հեռանա Գազայից, քանի դեռ դուք հնարավորություն ունեք»,- ընդգծել է ԱՄՆ նախագահը։
Թրամփը նաև օգնության ձեռք է մեկնել Գազայի բնակիչներին՝ խոստանալով նրանց պայծառ ապագա, եթե նրանք պատանդ չպահեն։
«Եթե դուք դա անեք (շարունակեք պատանդներ պահել-խմբ․), համարեք՝ մեռած եք, խելամիտ որոշում կայացրեք, ազատ արձակեք պատանդներին հիմա, այլապես ստիպված կլինեք վճարել դրա համար ավելի ուշ», - ասաել է նա:
Թրամփը վերջնագիր է ներկայացրել վեց իսրայելցի պատանդների հետ հանդիպումից հետո, որոնք ազատ են արձակվել Իսրայելի և ՀԱՄԱՍ-ի միջև հրադադարի համաձայնագրի առաջին փուլի շրջանակներում։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
