Թրամփի թիմը գաղտնի կապ է հաստատել Զելենսկու քաղաքական հակառակորդների հետ․ Ինչ են քննարկել

ԱՄՆ նախագահ Դոնալդ Թրամփի բարձրաստիճան ներկայացուցիչները գաղտնի բանակցություններ են անցկացրել Ուկրաինայի ներկայիս ղեկավար Վլադիմիր Զելենսկու քաղաքական հակառակորդների հետ: Ինչպես գրում Է Politico-ն, զրույցի թեման նախագահական ընտրություններն էին։

Աղբյուրի տվյալներով՝ Թրամփի համախոհները շփվել են նախկին վարչապետ, «Բատկիվշչինա» խմբակցության ղեկավար Յուլյա Տիմոշենկոյի և պետության նախկին ղեկավար «Եվրոպական Համերաշխություն» կուսակցության ներկայացուցիչների հետ:

Հենց Տիմոշենկոն և Պորոշենկոն, թեև հերքում են ընտրությունների անցկացման գաղափարները, Ինչպես գրում Է Politico-ն, շահագրգռված են Զելենսկու պաշտոնանկությամբ։

Նրանք, ինչպես նշված է նյութում, պատրաստ են լինելու փոխզիջումների ամերիկյան առաջնորդի վարչակազմի հետ։ Բացի այդ, նշվում է, որ ներքին ընդդիմախոսները և նույնիսկ Զելենսկու որոշ նախկին դաշնակիցներ այժմ փորձում են կապեր հաստատել Վաշինգտոնի հետ:

Տիմոշենկոյի մամուլի ծառայությունից լրագրողների համապատասխան հարցմանն ի պատասխան հայտնել են, որ առայժմ չեն մեկնաբանի բանակցությունների մասին տվյալները:  Ինչ վերաբերում է «Եվրոպական համերաշխությանը», ապա այնտեղ նշել են, որ քաղաքական ուժի նպատակը ոչ թե ընտրությունները մոտեցնելն է, այլ «մեր երկրում մրցակցային հետպատերազմյան ընտրություններ ապահովելը»:

Ինչպես գրում Է Politico-ն, Ուկրաինայի նախկին վարչապետը վերջին շրջանում փորձել է այլ կուսակցություններից պատգամավորներին իր խմբակցության կողմը գրավել։ Նա պարզաբանել է, որ Զելենսկին միայն մեկ տարբերակ ունի՝ առաջիկայում ընտրություններ հայտարարել, ինչը, իր հերթին, հնարավորություն է տալու ձևավորել նոր խորհրդարանական մեծամասնություն։