Պայթյուններ Իրաքում. զոհվել են շիա–ուխտավորներ

Ինչպես հաղորդում է «Al Jazeera»–ն, մահապարտ ահաբեկիչը Իրաքի հարավում գտնվող Բասրա քաղաքում շիա–ուխտավորների հավաքատեղիում հզոր պայթյուն է իրականացրել։ Նախնական տվյալներով առնվազն 15 մարդ է զոհվել։  

Սակայն տեղի իրավապահ մարմինների ներկայացուցիչների անանուն աղբյուրների հայտնած տեղեկություններով  զոհվել է առնվազն 20 և վիրավորվել 10 մարդ։ 

Մի քանի օր առաջ Բաղդադում տեղի ունեցած պայթյունի հետևանքով զոհվել էր 40 մարդ։

Վերջերս, Իրաքում սուննի և շիա մահմեդականների հարաբերությունները լարված բնույթ են կրում։