Ռուս քննիչը գողացել է խուզարկության ժամանակ առգրավված գումարը

Սանկտ Պետերբուրգի Պետրոգրադի շրջանային դատարանը տնային կալանքի է ենթարկել քննչական կոմիտեի աշխատակցուհի Մարգարիտա Յաբլոկովային, ով գողացել է խուզարկության ժամանակ առգրավված գումարը: Այս մասին Lenta-ին հայտնել են քաղաքի դատարանների Միացյալ մամուլի ծառայությունից։

Քննիչը մեղադրվում է պաշտոնեական կեղծիք կատարելու և լիազորությունները չարաշահելու մեջ։

Քրեական գործի նյութերից հետևում է, որ Յաբլոկովան խուզարկություն է իրականացրել Պետրոգրադի կողմի Մեծ պողոտայում գտնվող բնակելի տարածքում: Քննչական գործողությունների արդյունքում առգրավվել է 629 հազար ռուբլի, որն այնուհետև պահվել է քննիչի ծառայողական աշխատասենյակում:

Նա, քննության տվյալներով, հափշտակել է այդ միջոցները, իսկ հանցագործությունը կոծկելու համար կեղծ արձանագրություն է պատրաստել, որը թվագրվել է 2024 թվականի ապրիլի 1-ով։