Telegraph-ը պարզել է՝ որտեղ Թրամփը կարող է ԱՄՆ զորքեր ուղարկել Գերմանիայից
Վերլուծական
ԱՄՆ նախագահ Դոնալդ Թրամփը դիտարկում է Գերմանիայից ամերիկացի զինծառայողներին դուրս բերելու և Հետագայում այդ զորակազմը Հունգարիայում տեղակայելու հնարավորությունը: Այս մասին հայտնում է The Telegraph-ը՝ հղում անելով Հանրապետականի վարչակազմին մոտ կանգնած աղբյուրներին:
Գերմանիայում այս պահին ծառայություն են իրականացնում մոտ 35 հազար ամերիկացի զինծառայողներ, նշում է պարբերականը։ Ընդհանուր առմամբ, նրա տվյալներով, արտասահմանում գտնվում է մոտ 160 հազար ամերիկացի զինծառայող։
«Թրամփին զայրացնում է, որ զորքերը Եվրոպայում, կարծես, հանդես են գալիս պատերազմի օգտին», - The Telegraph-ին ասել է զրուցակիցներից մեկը:
Telegraph-ի տվյալներով՝ Թրամփը մտադիր է ամերիկացի զինծառայողներին տեղափոխել այն երկրներ, որոնք կատարում են ՆԱՏՕ-ի պաշտպանական ծախսերի նպատակային ցուցանիշները եւ նախատեսում են դրանք ավելացնել:
«Թեեւ մոտ ժամանակներս այդ կապակցությամբ որեւէ կոնկրետ հայտարարություն չի նախատեսվում, ամերիկացի զինվորականները միշտ հաշվի են առնում երկրագնդի մի կետից մյուսը զինվորների տեղափոխման հնարավորությունը, որպեսզի առավել արդյունավետ դիմակայեն մեր շահերին սպառնացող սպառնալիքներին»,-թերթին ասել է Սպիտակ տան Ազգային անվտանգության խորհրդի մամուլի ծառայության ղեկավար Բրայան Հյուզը:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
