Լավրովը հայտնել է՝ ինչպես է Ռուսաստանը «գոյակցելու արևմտյան հարևանների հետ»

«Արևմտյան հարևանների» հետ Ռուսաստանի համակեցությունը կախված կլինի նրանց պահվածքից, թույլ տված սխալներն ընդունելու և ուղղելու պատրաստակամությունից։ Այս մասին հայտարարել է ՌԴ ԱԳ նախարար Սերգեյ Լավրովը «Ռուսաստանի նոր շրջաններ» ամսագրին տրված հարցազրույց։

«Կարծում եմ, որ գլխավոր դասը հետևյալն է. երկրի կենսագործունեության հիմնական հարցերում մենք պետք է ապավինենք միայն ինքներս մեզ, ինչպես նաև փորձության ժամին մեզ հետ մնացած վստահելի ընկերներին։ Ինչ վերաբերում է արեւմտյան հարեւանների հետ համակեցությանը, շատ բան կախված կլինի նրանց վարքագծից, գործած սխալները ճանաչելու եւ ուղղելու պատրաստակամությունից, այդ թվում՝ մեր երկրին ռազմավարական պարտություն հասցնելու մոլագար ձգտումից հրաժարվելուց», - նշել է նա

Ինչպես ընդգծել է նախարարը, Ուկրաինայում Ռուսաստանի հատուկ ռազմական գործողության անցած երեք տարիները յուրատեսակ «ճշմարտության պահ» են դարձել:

Նա հավելել է, որ ամբողջ աշխարհը տեսել է, որ Արևմուտքի ուլտրալիբերալ իշխող վերնախավերին առաջնորդում են հեգեմոն բնազդները։

«Ոչ մի տեղ չեն անհետացել նախկին մետրոպոլիաների գիշատիչ, գաղութային սովորությունները Եվրամիության ներկայիս երկրներից և Բրիտանիայից, նրանց բնածին արատները՝ ամբարտավանությունը, խաբեության հակումը, գործերը վարելու անմաքուրությունը։ Դե ֆակտո ձևավորվել է նոր գլոբալ «ջրբաժան». մի կողմում արևմտյան փոքրամասնությունն է, մյուս կողմում՝ համաշխարհային մեծամասնությունը, - ասել է նա։

«Դրանք բոլոր այն երկրներն են, ինչպես նաեւ Արեւմուտքի բարի կամքի մարդիկ, որոնք հանդես են գալիս բազմաբեւեռ խաղաղության հաստատման օգտին՝ շահերի հավասարակշռության հիման վրա», — ընդգծել Է Լավրովը: