Ցուցարարները Թունիսի նախագահի վրա քարեր են նետել
Մերձավոր Արևելք
Թունիսում Սիդի Բուազիդ քաղաք կատարած այցելության ժամանակ, ուր երկուշաբթի օրը նշվում էր Թունիսում հեղափոխության հաղթանակի 2-րդ ամյակը, ցուցարարները քարեր են նետել նախագահ Մունսեֆ ալ Մարզուքի և խորհրդարանի խոսնակ Մուստաֆա բեն Ջաֆարի ուղղությամբ. հայտնում է Agence France-Presse-ը:
Թունիսում 2 տարի առաջ երկիրը 14 տարի շարունակ կառավարող նախագահ Զեյն ալ Աբիդին բեն Ալիի ռեժմի դեմ բողոքի հսկայական ալիք էր բռնկվել, որը սկիզբ դրեց արաբական աշխարհում ծավալվող Արաբական գարնանը: Բեն Ալին ստիպված էր ճնշման տակ լքել Թունիսը և հեռանալ Սաուդյան Արաբիա:
Այդ հեղափոխությանը նվիրված միջոցառման ժամանակ ունեցած ելույթից հետո, երբ նախագահը խոսքը հանձնել էր խորհրդարանի խոսնակին, նոր կառավարությունից դժգոհ տեղի բնակիչները քարեր էին նետել այդ երկուսի ուղղությամբ: Անվտանգության ծառայության աշխատակիցները հեռացրել են ղեկավար պաշտոնյաներին դեպքի վայրից:
Հիշեցնենք, որ Թունիսի Սիդի Բուազիդ քաղաքում իր ինքնահրկիզումով նույն այս քաղաքի բնակիչ Մուհամմեդ Բուազիզին սկիզբ դրեց Արաբական գարնանը, որը Թունիսից ծավալվեց Եգիպտոս, Լիբիա, Մարոկկո, Հորդանան, Օման, Եմեն, Սիրիա, ուր քաղաքացիական պայքարն ընդդիմադիրների և գործող նախագահ Ասադի ռեժիմի միջև շարունակվում է արդեն 2 տարի՝ սկսած 2011թ. մարտից:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
