Վրաստանն աջակցում է Հարավային Կովկասում խաղաղությանը. Կավելաշվիլին՝ Գաֆարովային

Վրաստանն աջակցում է խաղաղությանն ու կայունությանը Հարավային Կովկասում և պատրաստ է շարունակել ներդրում ունենալ այս գործընթացում։ Այս մասին, «Սպուտնիկ Վրաստանի» փոխանցմամբ, ասել է երկրի նախագահ Միխեիլ Կավելաշվիլին Ադրբեջանի խորհրդարանի խոսնակ Սահիբա Գաֆարովայի հետ հանդիպմանը:

Նրանք նաև քննարկել են երկու երկրների միջև պատմականորեն ամուր բարեկամական հարաբերությունները և ռազմավարական գործընկերության հիմնական ուղղությունները, ինչպես նաև Թուրքիայի հետ եռակողմ համագործակցության հարցեր։