Ռուսաստանի դեմ պրոքսի-պատերազմ է վարվում․ Պեսկով

Ռուսաստանի դեմ սանձազերծվել է քվազի- և պրոքսիպատերազմ: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։

«Պատերազմը շարունակվում է: Քվազիպատերազմ` մեր երկրի դեմ: Վստահվածների պատերազմ: Ինչ ուզում ես, ասա, բայց նա գալիս է», - ասել է նա:

Պեսկովի խոսքով՝ ամեն ինչ սկսվել է՝ որպես հատուկ ռազմական գործողություն, սակայն վերածվել է ավելիի։

Ռուսաստանի հետ վստահված պատերազմի մասին խոսքեր են հնչել ամերիկացի դիվանագետներից, այդ թվում՝ Ուկրաինայի հարցով ԱՄՆ նախագահի հատուկ ներկայացուցիչ Քեյթ Քելլոգից։

Միևնույն ժամանակ, Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Ռուսաստանի դիրքորոշումը, որ երկրի դեմ հիբրիդային պատերազմ է մղվում, գնալով ավելի ու ավելի է հաստատվում։