Եթե կինոն ազգային հիմքերից հեռու է, ապա այդ կինոն չի ստացվում․ վավերագրող Աշոտ Գևորգյան
Գիտություն և Մշակույթ
Երեկ Երևանում մեկնարկել է «Էխո «Եվրասիա-Կինոֆեստ» կինոֆորումը, որը կտևի մինչև մարտի 13-ը: Փառատոնի հիմնական նպատակներն են՝ փորձի փոխանակումը երկրների կինոարտադրության ոլորտում, ինչպես նաև աջակցությունը երիտասարդ տաղանդավոր կինոգործիչներին։ Այն կմիավորի ոլորտի մասնագետներին, կառաջարկի կրթական մոդուլներ, վարպետության դասեր, հանդիպումներ հայտնի դերասանների հետ և կցուցադրի «Եվրասիա կինոֆեստ» փառատոնի լավագույն ֆիլմերը:
Փառատոնի մասնակիցներից վավերագրող Աշոտ Գևորգյանը նշեց, որ «Եվրազիա» կինոփառատոնը առաջին միջոցառումն է Հայաստանում, մինչ այդ ավելի մեծամասշտաբ միջոցառում է տեղի ունեցել Ռուսաստանում․ «Կինոփառատոնները ոչ մի երկրին ոչինչ չեն տալիս, Եվրասիայի հիմնադրամում կան տարբեր ծրագրեր, որոնք տարբեր նպատակներով են արվում՝ դոկումենտալ ֆիլմերը, ուսանողների ֆիլմերն են ֆինանսավորվում, փորձի փոխանակում է տեղի ունենում։ Ներկայացվում են գեղարվեստական, վավերագրական, կարճամետրաժ ֆիլմեր, որոնք մրցանակներ են ստացել։ Սովետական ֆիլմերի դեպքում ազգային ինքնությունն է մեջը, իսկ հիմա նկարում են թիթեռ ֆիլմեր։ Իհարկե, որպես էքսպերտ ֆիլմերում ուշադրություն եմ դարձնում նաև դրա վրա։ Եթե կինոն ազգային հիմքերից հեռու է, ապա այդ կինոն չի ստացվում»,- նշել է Աշոտ Գևորգյանը։
«Էխո «Եվրասիա-Կինոֆեստ»-ը ոչ կոմերցիոն նախագիծ է, որն ուղղված է ԵԱՏՄ երկրներում երիտասարդ տաղանդների աջակցմանը և մասնագիտական համայնքի զարգացմանը:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
