Ինչու՞ է շարունակաբար թեժանում «Դոմուսի» հրդեհի թեման. «Փաստ»
Հայկական Մամուլ
«Փաստ» օրաթերթը գրում է.
Մամուլում օրեր առաջ կրկին անդրադարձ է եղել 2024 թվականի հոկտեմբերի 7-ին Իսակովի պողոտայում գտնվող «Դոմուս» ընկերության էլեկտրոնիկայի պահեստում առաջացած հրդեհին. նշվում է, որ հրդեհից հետո «Դոմուս» ՓԲԸ-ի սեփականատերերը ընկել են դատարանի դռները` փորձելով պատասխանատվության սլաքներն այլ տեղ ուղղել։
«Դոմուս» ընկերությունից տեղեկացանք, որ իրականում ՀՀ քաղաքաշինության, տեխնիկական և հրդեհային անվտանգության տեսչական մարմնի դեմ հայցերը վերոնշյալ հրդեհի հետ որևէ առնչություն չունեն. վիճարկվող խնդրո առարկան ընթացիկ ստուգումներին է վերաբերում, և «Դոմուս» ՓԲԸ-ն վարչական դատարանում պահանջում է տեսչական մարմնի որոշումներն անվավեր ճանաչել։
Ինչ վերաբերում է հրդեհի դեպքի հետ կապված դատարան դիմելուն, ապա մեզ հայտնի դարձավ, որ դեպքի առթիվ քրեական վարույթ է նախաձեռնված, քննություն է ընթանում, հետևաբար այս պահին դատական պրոցեսի մասին խոսք լինել չի կարող։
Ի դեպ, ուշագրավ է, որ Սուրմալու առևտրի կենտրոնի և այլ աղետաբեր հրդեհների մոռացության ֆոնին բարեբախտաբար մարդկային կորուստներ չարձանագրած և ընկերությանը միայն նյութական կորուստներ պատճառած հրդեհը շարունակում է թեժ պահել տեղեկատվական դաշտը։ Հետաքրքիր է՝ ինչո՞ւ:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
