Ռուսաստանը կօգտագործի միջուկային սպառնալիքները. Զելենսկի

Ռուսաստանը կօգտագործի միջուկային սպառնալիքները՝ առաջիկա օրերին ուկրաինական ճգնաժամի կարգավորման գործընթացում ճնշում գործադրելու համար։ Այս մասին մամուլի ասուլիսի ժամանակ հայտարարել է Ուկրաինայի նախագահ Վոլոդիմիր Զելենսկին։

«Մենք հասկանում ենք, թե ինչ է ցույց տալու ռուսական կողմն առաջիկա օրերին։ Եվ հարցը նույնիսկ այն չէ, որ ճնշումը բարձրացնում են Կուրսկի ուղղությամբ։ Նրանք կօգտագործեն միջուկային սպառնալիքները։ «Սա է նրանց մեթոդաբանությունը», - ասել է Զելենսկին: