Կառավարությունն այս տարի իր վրա կվերցնի գյուղտնտեսությունների ապահովագրության ռիսկերի մեղմման զգալի մասը. Պապոյան

Այս նախագծի ընդունումը պայմանավորված է 2025-ի գյուղատնտեսության ոլորտում ապահովագրական համակարգի ներդրման փորձնական ծրագրի իրականացման ապահովման անհրաժեշտությամբ: Այս մասին այսօր՝ մարտի 13-ին, կառավարության նիստում նշեց էկոնոմիկայի նախարար` Գևորգ Պապոյանը՝ ներկայացնելով համապատասխան նախագիծը:

Նրա խոսքով, գյւողատնտեսության ապահովագրության ծրագրում առաջացել էինմի շարք խնդիրներ՝  կապված վնասաբերության բարձր մակարդակի, վերաապահովագրական կազմակերպության հայկական շուկայի ելքի և KfW-ի կողմից համաֆինանսավորման հետ. «Քանի որ գյուղատնտեսության ապահովագրության ոլորտում վերապահովագրման կազմակերպությունը վնասաբերության շատ բարձր մակարդակ էր ունեցել և դուրս էր եկել հայկական շուկայից, 2024-ին եւ 2025-ին գյուղացիական տնտեսությունների ապահովագրությունը հասանելի դարձնելու համար ՀՀ կառավարությունը, ինչպես 2024-ին, այս տարի էլ իր վրա է վերցնում ռիսկերի մեղման մի զգալի մասը:

Այն է՝ եթե վնասաբերությունը գերազանցի ապահովագրական ընկերությունների կողմից հավաքագրված ապահովագրավճարի 200 տոկոսը, ապա կառավարությունն այդ բեռի լրացուցիչ մասը կվերցնի իր վրա՝ փոխհատուցելով ընդհանուր հավաքագրված ապահովագրավճարի հանրագումարի 200 տոկոսի չափը գերազանցող  տնտեսվարողներին փոխհատուցված ապահովագրական հատուցումների գումարը: Այսինքն, եթե մինչև 200% եղավ, ապահովագրական ընկերությունները իրենք իրենց միջոցներով դա կանեն, դրանից ավել կառավարությունը կաջակցի արդեն ապահովագրական ընկերություններին»,-ասաց Պապոյանը: