Մենք ասում ենք՝ Բարի գալուստ․ Պուտինը՝ օտարերկրյա ընկերություններին

Ռուսաստանն արդեն բանակցություններ է վարում ռուսական շուկա մի շարք արտասահմանյան ընկերությունների վերադարձի շուրջ: Այս մասին հայտարարել է ՌԴ նախագահ Վլադիմիր Պուտինը Բելառուսի նախագահ Ալեքսանդր Լուկաշենկոյի հետ համատեղ համաժողովի ժամանակ, փոխանցում է EADaily-ն:

«Մեր որոշ գործընկերների նախաձեռնությամբ բանակցություններ ենք վարում նրանց մեր շուկա հնարավոր վերադարձի շուրջ», - նրա խոսքը մեջբերել է Կրեմլը:

Պուտինը նաև հավելել է, որ Ռուսաստանը «ոչ մեկից չի պարփակվել և ոչ մեկի չի վռնդել»: Այդ պատճառով բոլոր գործընկերներին, որոնք ցանկանում են վերադառնալ ռուսական շուկա, ինչպես նշել է Ռուսաստանի նախագահը, «մենք ասում ենք՝ Բարի գալուստ»։

Ընդ որում, նա ընդգծել է, որ այս հարցում որոշումներ կայացնելիս իշխանությունները առաջնորդվելու են ստեղծված իրավիճակով։

Պուտինի խոսքով՝ «եթե ոլորտները զբաղված են, ապա ոչ մի արտոնություն մեր շուկա վերադառնալու համար մենք ոչ մեկի համար չենք ստեղծի»։