Կարևոր է ապահովել այս գործընթացի սահուն ավարտը՝ երկու կողմերի փոխզիջումային մոտեցմամբ․ Կալլաս
Արտաքին Քաղաքական
Եվրամիությունը ողջունում է Հայաստանի և Ադրբեջանի հայտարարությունները՝ խաղաղության և միջպետական հարաբերությունների հաստատման մասին համաձայնագրի նախագծի շուրջ բանակցությունների ավարտի վերաբերյալ, ասվում է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Կայա Կալլասի հայտարարության մեջ, որը հրապարակվել է Եվրոպական արտաքին գործողությունների ծառայության կայքում։
«Մենք բարձր ենք գնահատում այս ուղղությամբ երկու կողմերի հետևողական աշխատանքը վերջին մի քանի տարիների ընթացքում՝ ինչպես երկկողմ մակարդակով, այնպես էլ միջազգային հանրության մասնակցությամբ։ ԵՄ-ն ողջունում է այն, որ Հայաստանը հարթում է տեքստը վերջնական տեսքի բերելու ճանապարհը:
Այս համաձայնագիրը վճռական քայլ է տարածաշրջանում կայուն խաղաղության և անվտանգության ուղղությամբ։ Կարևոր է պահպանել այս թափը և ապահովել այս գործընթացի սահուն ավարտը՝ երկու կողմերի նույն հեռանկարային և փոխզիջումային մոտեցմամբ:
ԵՄ-ն լիովին աջակցում է Հայաստանի և Ադրբեջանի միջև հարաբերությունների կարգավորման գործընթացին և պատրաստ է տրամադրել լրացուցիչ աջակցություն, եթե կողմերը դա խնդրեն»,- ասվում է հայտարարության մեջ։
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
