ՆԱՍԱ-ում մասշտաբային կրճատումներ են
Գիտություն և Մշակույթ
Ամերիկյան NASA տիեզերական գործակալությունը աշխատանքից ազատել է իր 23 աշխատակիցներից բաղկացած առաջին խմբին։ Ընթացակարգը ներկայացված է` որպես Դոնալդ Թրամփի վարչակազմի օրոք դաշնային բյուջեի կրճատումների մաս։
Ըստ BFM TV-ի՝ աշխատանքից ազատվածների թվում է գլխավոր գիտնական և հայտնի կլիմայագետ Քեթրին Կալվինը: ՆԱՍԱ-ի ներկայացուցիչն ասել է, որ կրճատումների առաջին փուլը կանդրադառնա 23 աշխատակցի, սակայն հավելել է, որ դրանից հետո էլի կլինեն:
Քեթրին Կալվինը, որը նշանակվել է Ջո Բայդենի կողմից 2022 թվականին, իր ներդրումն է ունեցել ՄԱԿ-ի մի քանի հիմնական կլիմայական զեկույցներում: Հայտնի հետազոտողին և մի քանի այլ ամերիկացի գիտնականների արդեն արգելվել է մասնակցել փետրվարի վերջին Չինաստանում ՄԱԿ-ի կլիմայի փորձագետների հանդիպմանը:
«Մեր աշխատուժը օպտիմալացնելու նպատակով և ՆԱՍԱ-ի ադմինիստրատորի հրահանգներին համապատասխան՝ մենք սկսում ենք մեր աշխատուժի կրճատման գործընթացը»,- ասել է NASA-ի խոսնակ Շերիլ Ուորները։
«Մարտի 10-ին մի խումբ աշխատակիցներ արդեն տեղեկացել են, որ այս ընթացակարգն իրենց է վերաբերում։ Աշխատակիցները կարող են մասնակցել վաղաժամկետ կենսաթոշակի անցնելու ծրագրին, եթե իրավասու են»,- պարզաբանել են գործակալությունից:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
