Անհետ կորածների ծնողների պահանջը. «Հրապարակ»

Անհետ կորածների ծնողները երեկ բողոքի ակցիա էին անում կառավարության շենքի առաջ` ՀՀ իշխանությունների` միջազգային ատյաններում Ադրբեջանի դեմ հայցերից հրաժարվելու որոշման դեմ: Ավելի ուշ հայտարարություն տարածեցին՝ իրենց «խիստ անհամաձայնությունը» հայտնելով: «Մենք պահանջում ենք, որ ՀՀ կառավարությունն անհապաղ դադարեցնի այս աղետաբեր քաղաքականությունը եւ ապահովի Ադրբեջանի դեմ միջազգային դատական ատյաններում ներկայացված հայցերի քննության բնականոն ընթացքը»,- ասված է հայտարարության մեջ։