Սիբիրցի գիտնականները հակաուռուցքային դեղամիջոց ստեղծելու միացություն են հայտնաբերել

Նովոսիբիրսկի պետական ​​համալսարանի գիտնականները Ռուսաստանի գիտությունների ակադեմիայի Սիբիրյան մասնաճյուղի Նովոսիբիրսկի օրգանական քիմիայի ինստիտուտի, ինչպես նաև Իռլանդիայի գործընկերների հետ հայտնաբերել և ապացուցել են քիմիական միացության բարձր հակաքաղցկեղային ակտիվությունը, որը կարող է հիմք դառնալ նոր հակաուռուցքային դեղամիջոց ստեղծելու համար, հայտնում է NSU-ն:

Ներկայումս քաղցկեղի բուժման հիմնական ձևը մնում է քիմիաթերապիան, սակայն հիվանդության բուժման նոր մեթոդների ակտիվ որոնման հիմնական պատճառներից մեկը որոշ դեղամիջոցների լուրջ կողմնակի ազդեցություններն են: Բացի այդ, քաղցկեղի բջիջները մի շարք մեխանիզմների միջոցով կարողանում են խուսափել դեղամիջոցի ազդեցությունից: Այստեղ խոստումնալից ոլորտներից մեկը պեպտիդային թերապիան է:

«Հետազոտողները ապացուցել են բարձր հակաքաղցկեղային ակտիվության առկայությունը քիմիական միացության մեջ, որը ներառում է կատիոնային հակամանրէային պեպտիդներ (AMP), որոնք նաև կոչվում են հյուրընկալող պաշտպանական պեպտիդներ: Ապագայում այս միացությունը կարող է հիմք դառնալ նոր արդյունավետ հակաուռուցքային դեղամիջոց ստեղծելու համար»,- ասվում է զեկույցում:

Համալսարանում բացատրել են, որ աշխատանքը տեւել է մի քանի տարի, սակայն արդյունքում գիտնականները կարողացել են ցույց տալ նման միացությունների բարձր ակտիվությունը ուռուցքային բջիջների կուլտուրաների վրա։ Բացի այդ, հնարավոր եղավ ուսումնասիրել դրա գործողության մեխանիզմները մոլեկուլային մակարդակում՝ սա նախապայման է համաշխարհային մակարդակով ցանկացած նոր հակաքաղցկեղային դեղամիջոց գրանցելու համար։

Նախկինում AMP-ի համադրությունը կենսաակտիվ մոլեկուլի հետ լավ արդյունքներ է ցույց տվել հակամանրէային դեղամիջոցների ստեղծման գործում: Պարզվել է նաև, որ որոշ պեպտիդներ հատուկ ճանաչում և կապում են ուռուցքային բջիջների մեմբրանի սպիտակուցներին՝ գործադրելով հակաուռուցքային ազդեցություն։ Հենց այս հատկությունն էլ գիտնականներն օգտագործել են իրենց հետազոտություններում։

Թարգմանությունը՝ Մանուել Թամազյանի