Ապստամբները գրավել են Դամասկոսի հարավում գտնվող պաղեստինցիների ճամբարը

Սիրիայի ազատ բանակի ապստամբական խմբավորման գրոհայինները մի քանի օր տևած մարտերից հետո գրավել են Դամասկոսի հարավում գտնվող պաղեստինցի փախստականների Յարմուկ ճամբարը. տեղեկացնում է Reuters-ը:

«Ողջ ճամբարը Սիրիայի ազատ բանակի տնօրինության տակ է»,-հայտնում է գործակալությունն իր աղբյուրներից, որը հավելել է նաև, թե Սիրիայի կառավարությանն օժանդակող փախստականների մի մասը հեռացել է Յարմուկից:

Մի քանի օր շարունակ ճամբարում մարտեր էին ընթանում: Անցյալ հանգստյան օրերին Սիրիայի կառավարությունը 2 հրթիռ էր արձակել ճամբարի ուղղությամբ, որից մեկը պայթել էր մզկիթի վրա, ուր ապաստանել էին անօթևան փախստականները: Զոհվել է 25 մարդ: